Na Deogratius Temba
Ni ajabu na mshangao kuwa kumbe hata watetezi wa haki za kibinadamu wanaweza kuwa wapiganaji kwaajili ya watu wengine lakini wao wakawa waadhirika wakubwa wa kutendewa ukatili na kudhulumiwa haki yao.
Tunapopambana na ukoloni mamboleo na ukatili, wizi na uporaji wa rasilimali za wananchi ni lazima kukemea kwa nguvu zote aina yoyote ya unyonyaji unaofanywa hapa nchini. Hasa pale Watanzania wenzetu wanapogeuka kuwa wanyonyaji. Hili hatulikubali na ndio vita ambayo binafsi katika safu hii nimepigana nayo kwa kipindi kirefu.
Mtandao wa Jinsia Tanzania, umekuwa ukimiliki jengo la ghorofa moja mahali zilipo ofisi za makao makuu Mabibo Dar es salaam- wanahujumiwa na waliokuwa wapangaji kwenye jengo hilo miaka 14 iliyopita. Wapangaji hao sio wa wapangaji wa TGNP lakini wanatumia sehemu ya vyumba kwenye ofisi hiyo kwaajili ya biashara zao tangu mwaka 1997 hadi leo bila kulipa chochote kwa mwenye jengo. Huu ni ukoloni mwingine unaoambatana na unyonyaji, hatuukubali.
Ni jambo la kusikitisha kuona TGNP inawavumilia watu wanaoishi kwenye jengo lao halali kwa kipindi chote hicho bila kulipa kodi ya pango, kodi ya ardhi, kodi ya majengo serikalini, gharama za usafi, umeme, maji, choo na hawana mpango wa kuondoka.
Wapangaji hao wamewapeleka TGNP mahakamani na wameshindwa kesi. Wapangaji wamefanya fujo wiki hii iliyopita , wamewatishia waliotaka kuwaondoa kwa kutumia silaha za jadi kama vile mapanga, shoka, vizu, rungu, fimbo, na wamefikia hatua ya kubomoa hata geti kwa kulikata kwa misumeno ili waweze kuingia katika vyumba ambavyo TGNP ilikuwa imewafukuza. Kwa wiki sasa TGNP hawawezi kutekeleza majukumu yao ya kulijenga taifa hili na kuihudumia jamii kwasababu wapangaji haramu wameng’ang’ania ofisi zao. Je hii ni hujuma inayosukumwa na nani mwenye madaraka?
Wiki hii TGNP ilifanikiwa kutoa mizigo ya baadhi ya wapangaji nje lakini walirudi kwa nguvu siku hiyo hiyo kwa kulazimisha tena wakikata makufuli ya mwenye jengo.
Katika sakata hili ambalo nimekuwa shuhuda, nimeshangaa hata utendaji wa jeshi la polisi hasa kituo cha Polisi Urafiki. Askari wanajua fika kuwa tatizo lipo wapi lakini hawakuwa tayari kutenda haki. Utekelezaji wa amri ya mahakama, unafanyika kwa baraka za mahakama na vibali kutoka sehemu zote husika lakini wanazuia kwa kigezo kuwa ni kuimarisha amani. Lakini ieleweke kuwa haki inayocheleweshwa sio haki lakini ni lazima ipatikane siku moja.
Polisi nawalaumu kuwa ni chanzo cha wavamizi kurudi ndani ya jengo hilo baada ya kutolewa nje Augosti 23,2011, siku ya jumanne bila kuangalia kuwa ni suala linalotekeleza hukumu ya Mahakama Kuu na ya Rufaa.
Sakata hili lilianza je?
Kwa mujibu wa kumbukumbu na nyaraka za kisheria zilizopo, Mtandao wa Jinsia Tanzania ni mmiliki halali wa jengo lenye hati namba 56998, Kiwanja namba 22/3/1 lililoko katika eneo la Mabibo Dar es Salaam.
TGNP, walinunua jengo hilo kutoka kwa Mfilisi (Benki ya Rasilimali Tanzania- TIB) kwa Iliyokuwa ‘Tanzania Sewing Thread Manufacturers Limited’ au kiwanda cha nyuzi, ambayo ilikuwa sehemu ya kampuni tanzu ya Tanzania Textile Company Limited (TEXCO) kwa gharama ya shilingi milioni 200 ambapo makubaliano ya manunuzi yalifanyika Juni 15, 1997.
Serikali au TIB kama mmiliki alifuata taratibu zote za manunuzi kwa kutangaza mchakato wa uuzwaji wa jengo hilo kwenye vyombo vya habari nchini hususan magazeti.
Baadhi ya watumiaji wa ofisi waliokuwa ndani ya jengo hilo wakati TEXCO ikiwa inafilisiwa nao walishiriki katika mchakato wa kununua bila mafanikio ambapo kumbukumbu zinaonesha kuwa waliomba kulinunua kwa gharama y ash. Milioni 100, wakati TGNP walifika milioni 200. Baada ya TGNP kushinda ‘tender’, baadhi ya watumiaji hao, mnano mwezi wa Julai 1997 walifungua kesi namba 215 / 1997 dhidi ya TIB kama mshitakiwa wa kwanza na TGNP mshitakiwa wa pili katika mahakama kuu kupinga maamuzi ya TIB kuiuzia TGNP jengo hilo.
Hukumu ilisemaje?
Kesi hii ilichukua muda mrefu sana takribani miaka kumi na mbili mpaka kufikia tarehe Oktoba 15, 2009, uamuzi wa Mahakama Kuu ulipotolewa na Jaji T.B Mihayo wa Mahakama Kuu hukumu ambayo iliwapa haki TGNP na kuwaamuru walalamikaji kuondoka mara moja na kulipa gharama.
Wakati mchakato wa kutekeleza Hukumu ya Mahakama Kuu ukiendelea, mnano Septemba 19, 2009 walalamikaji walipeleka katika Mahakama ya Rufaa azimio la kusimamisha utekelezaji wa hukumu ya Mahakama Kuu ya kutowatoa kwenye jengo kwa kupitia ombi na 129 la 2009 ombi ambalo limetupiliwa mbali na Mahakama ya Rufaa Agosti 23, 2011.
Ni hatua gani TGNP wanaichukua?
TGNP wamiliki halali wa hili jengo wanapaswa kupewa fursa ya kutekeleza uamuzi wa Mahakama ya Rufaa uliotolewa Agosti 23, 2011, kwa kutumia sheria ya utatuzi wa migogoro ya ardhi ya mwaka 2002, namba 2, ‘The Courts (Land Disputes Settlements) Act, 2002; No.2’ inaruhusu mwenye nyumba anayekubalika kisheria kuchukua nyumba yake kwa kumtoa mpangaji kwa nguvu katika nyumba anayopanga. Sheria hii imeeleza vizuri juu ya mmiliki wa nyumba kumtoa mpangaji asiyefuata taratibu. Jumapili njema napatikana: 0715 686575
Friday, September 9, 2011
Watanzania vijana masikini tuungane kudai haki ya ajira
Na Deogratius Temba
TAFAKURI ya wiki iliyopita iliangalia suala la ajira kwa vijana wa kike na kiume. Kundi la vijana ambalo ndilo nguvu kazi ya taifa linateseka kutokana na kukosekana kwa fursa za ajira. Kundi la vijana linakimbia kutoka vijijini kuja mijini kutafuta ajira kwa sababu mazingira ya kijijini hayaruhusu kujiajiri wala kuajiriwa.
Hali ilivyo kijijini, hapa mjini ni mbaya zaidi. Ajira kwa vijana wasio na elimu inazidi kuwa mbaya, waliojiajiri wanateseka nao, waliosoma wamehitimu lakini hawajui waelekee wapi mategemeo yao ni sifuri. Ajira sizizo rasmi ndio zinaongeza takwimu za serikali kuwa kuna ajira milioni na zaidi nchini, lakini tunajiuliza huyo aliyejiajiri tunamwezesha kwa kiasi gani?
Katika mjadala wangu juu ya tatizo la ajira na hali ilivyo kwa vijana wa taifa hili katikan safu hii, wiki iliyopita nilieleza juu ya jumuiko kubwa au kusanyiko la wanaharakati wa masuala ya usawa wa Jinsia, haki za binadamu, maendeleo na demokrasia (FemAct), kuanzia tarehe 13 hadi 16, septemba mwaka huu katika viwanja vya Mtandao wa Jinsia Tanzania (TGNP) Mabibo Dar es salaam. Kwa bahati mbaya sikueleza Tamasha linafanyika wapi na lini, wasomaji wengi wamenipigia simu kuuliza hilo.
Tamasha litatupa nafasi sisi vijana wa kike na kiume, kina baba na Kina mama hasa tulioko pembezoni kudai haki yetu ya kuwa na ajira stamilifu na kutaka serikali itekeleza wajibu wake kwetu. Ni fursa ambayo tutaweza kukutana na kubadilisha mawazo, kujegeana uwezo, kujadiliana na hata kupaaza sauti zetu. Vijana wasio na ajira, wasomi na wasio wasomi wanaweza kukutana kwa urahisi na bila kuwa na itikadi za kichama, kidini au kijamii. Tatizo la ajira na maisha endelevu ni msiba wetu sote katika taifa hili, tusipodai leo na kujenga mazingira mazuri vizazi vijavyo vitatulaumu.
Kwa mujibu wa takwimu za Wizara ya Kazi na ajira, nafasi za ajira zimeongezeka, katika sekta isiyo rasimu lakini hawataji ni ajira zipi, za kuokota makopo, kufagia barabarani, kuokota vyuma chakavu, au ni zipi. Takwimu zao zinasema kuwa sehemu kubwa zaidi ya watu wenye umri wa kufanya kazi (miaka 10 na kuendelea) inashiriki katika kazi za kiuchumi kuliko ilivyokuwa miaka kumi iliyopita. Huenda hii imetokana zaidi na kuongeza kwa mara ya kwanza shughuli za kuchota maji na kukusanya kuni kwa matumizi ya kawaida kuwa ni kazi za kiuchumi hasa hapa mjini na vijijini.
Usawa wa kijinsia kwenye ajira
Tofauti kati ya kiwango cha ushiriki wa wanawake na ushiriki wa wanaume katika kazi za kiuchumi imeongezeka. Kiwango cha ushiriki wa wanaume cha asilimia 81 ni alama 8 juu zaidi kikilinganishwa na kiwango cha wanawake, ikilinganishwa na tofauti ya alama 1 tu mwaka 1990/91 wakati kiwango cha ushiriki wa wanaume kilikuwa asilimia 73 wakati huo. Kwa hali ya kawaida taifa ambalo halina usawa wa kijinsia katika shughuli zake ni taifa linaloelekea kubaya. Hali hii inazaa matabaka na unyanyasaji kuongezeka.
Aina ya ajira.
Kuna aina nne za ajira ambazo ni; ajira ya malipo, waajiri pamoja na ajira binafsi (acha kilimo), ajira binafsi katika kilimo na wafanyakazi wa kifamilia wasiolipwa, yanaonyesha kupungua kwa ajira ya malipo na pia ajira binafsi katika kilimo. Kwa mujibu wa ripoti ya kazi na ajira ya shirika la Kazi Ulimwenguni (ILO) kwa Tanzania, Ajira ya malipo imepungua kwa asilimia 3 na ajira binafsi katika kilimo kwa asilimia 5. Mwaka 1990/91 mchango wa ajira ya malipo ulikuwa asilimia 9.0 na ajira binafsi katika kilimo asilimia 84. Kwa upande mwingine ajira binafsi (ambayo si kilimo) katika Sekta Isiyo Rasmi na ajira ya kifamilia isiyo ya malipo zimeongezeka. Tuelewe kuwa ajira za kifamilia zisizo na malipo ni zile za kuwatunza wagonjwa, wazee, watoto na kazi nyingine za familia, ambazo hatuzichukulii kama kazi wakati wanaozifanya wanauwezo wa kufanya ajira za malipo.
Ajira ya kisekta.
Ajira katika Sekta ya Umma inazidi kusinyaa kwa nusu ya kiwango chake miaka kumi iliyopita. Mchango wa ajira Serikalini umeshuka kutoka asilimia 3 hadi 2, pia mchango wa ajira katika Mashirika ya Umma umeshuka kutoka asilimia 2 hadi 0.5. Mchango wa ajira ya Sekta ya Kilimo vile vile umedondoka kutoka asilimia 84 hadi 70 kwa kipindi cha miaka 20. Mabadiliko haya yanaonyesha kuwa vianzio vikuu vya ukuaji wa ajira vinaanza kubadilika na kuhamia kwenye Sekta Binafsi (acha kilimo), rasmi na isiyo rasmi. Mchango wa sekta hizi umeongezeka kutoka asilimia 2.8 hadi 6.5 kwa Sekta rasmi na asimia 8.5 hadi 10.8 kwa sekta isiyo rasmi.
Ajira katika Sekta Isiyo Rasmi.
Ajira katika sekta isiyo rasmi imeendelea kukua katika kipindi chote. Matokeo yanaonyesha kuwa kaya mbili katika kila kaya tatu zinajishughulisha na kazi kwenye sekta hii, ikilinganishwa na kaya moja katika kila kaya nne mwaka 1990/91. Idadi ya kaya zinazojishughulisha na kazi kwenye sekta isiyo rasmi imeongezeka kwa maeneo yote, vijijini na mijini, ingawa kasi imekuwa kubwa zaidi kwa maeneo ya mijini. Karibu asilimia 65 ya kaya za mijini na zaidi ya robo ya kaya za vijijini zinajishughulisha katika sekta hii ikilinganishwa na viwango vya asilimia 42 na 21 kwa mtiririko huo, mwaka 1990/91.
Katika uchambuzi huu, nimetumia takwimu za kulinganisha hali tulionayo leo tangu mwaka 1990 wakati tulipoanzisha mfumo wa soko huria. Ni miaka 20 Tanzania imekuwa katika mfumo huu, hali ya kipato na ajira kwa masikini inaongezeka. Tutakutraka kwenye tamasha la Jinsia mambibo na kujadili kwa kina suala hili. Itaendelea wiki ijayo ambapo tutaangalia kiwango cha ukosefu wa ajira kwa Tanzania. Jumapili njema!!
TAFAKURI ya wiki iliyopita iliangalia suala la ajira kwa vijana wa kike na kiume. Kundi la vijana ambalo ndilo nguvu kazi ya taifa linateseka kutokana na kukosekana kwa fursa za ajira. Kundi la vijana linakimbia kutoka vijijini kuja mijini kutafuta ajira kwa sababu mazingira ya kijijini hayaruhusu kujiajiri wala kuajiriwa.
Hali ilivyo kijijini, hapa mjini ni mbaya zaidi. Ajira kwa vijana wasio na elimu inazidi kuwa mbaya, waliojiajiri wanateseka nao, waliosoma wamehitimu lakini hawajui waelekee wapi mategemeo yao ni sifuri. Ajira sizizo rasmi ndio zinaongeza takwimu za serikali kuwa kuna ajira milioni na zaidi nchini, lakini tunajiuliza huyo aliyejiajiri tunamwezesha kwa kiasi gani?
Katika mjadala wangu juu ya tatizo la ajira na hali ilivyo kwa vijana wa taifa hili katikan safu hii, wiki iliyopita nilieleza juu ya jumuiko kubwa au kusanyiko la wanaharakati wa masuala ya usawa wa Jinsia, haki za binadamu, maendeleo na demokrasia (FemAct), kuanzia tarehe 13 hadi 16, septemba mwaka huu katika viwanja vya Mtandao wa Jinsia Tanzania (TGNP) Mabibo Dar es salaam. Kwa bahati mbaya sikueleza Tamasha linafanyika wapi na lini, wasomaji wengi wamenipigia simu kuuliza hilo.
Tamasha litatupa nafasi sisi vijana wa kike na kiume, kina baba na Kina mama hasa tulioko pembezoni kudai haki yetu ya kuwa na ajira stamilifu na kutaka serikali itekeleza wajibu wake kwetu. Ni fursa ambayo tutaweza kukutana na kubadilisha mawazo, kujegeana uwezo, kujadiliana na hata kupaaza sauti zetu. Vijana wasio na ajira, wasomi na wasio wasomi wanaweza kukutana kwa urahisi na bila kuwa na itikadi za kichama, kidini au kijamii. Tatizo la ajira na maisha endelevu ni msiba wetu sote katika taifa hili, tusipodai leo na kujenga mazingira mazuri vizazi vijavyo vitatulaumu.
Kwa mujibu wa takwimu za Wizara ya Kazi na ajira, nafasi za ajira zimeongezeka, katika sekta isiyo rasimu lakini hawataji ni ajira zipi, za kuokota makopo, kufagia barabarani, kuokota vyuma chakavu, au ni zipi. Takwimu zao zinasema kuwa sehemu kubwa zaidi ya watu wenye umri wa kufanya kazi (miaka 10 na kuendelea) inashiriki katika kazi za kiuchumi kuliko ilivyokuwa miaka kumi iliyopita. Huenda hii imetokana zaidi na kuongeza kwa mara ya kwanza shughuli za kuchota maji na kukusanya kuni kwa matumizi ya kawaida kuwa ni kazi za kiuchumi hasa hapa mjini na vijijini.
Usawa wa kijinsia kwenye ajira
Tofauti kati ya kiwango cha ushiriki wa wanawake na ushiriki wa wanaume katika kazi za kiuchumi imeongezeka. Kiwango cha ushiriki wa wanaume cha asilimia 81 ni alama 8 juu zaidi kikilinganishwa na kiwango cha wanawake, ikilinganishwa na tofauti ya alama 1 tu mwaka 1990/91 wakati kiwango cha ushiriki wa wanaume kilikuwa asilimia 73 wakati huo. Kwa hali ya kawaida taifa ambalo halina usawa wa kijinsia katika shughuli zake ni taifa linaloelekea kubaya. Hali hii inazaa matabaka na unyanyasaji kuongezeka.
Aina ya ajira.
Kuna aina nne za ajira ambazo ni; ajira ya malipo, waajiri pamoja na ajira binafsi (acha kilimo), ajira binafsi katika kilimo na wafanyakazi wa kifamilia wasiolipwa, yanaonyesha kupungua kwa ajira ya malipo na pia ajira binafsi katika kilimo. Kwa mujibu wa ripoti ya kazi na ajira ya shirika la Kazi Ulimwenguni (ILO) kwa Tanzania, Ajira ya malipo imepungua kwa asilimia 3 na ajira binafsi katika kilimo kwa asilimia 5. Mwaka 1990/91 mchango wa ajira ya malipo ulikuwa asilimia 9.0 na ajira binafsi katika kilimo asilimia 84. Kwa upande mwingine ajira binafsi (ambayo si kilimo) katika Sekta Isiyo Rasmi na ajira ya kifamilia isiyo ya malipo zimeongezeka. Tuelewe kuwa ajira za kifamilia zisizo na malipo ni zile za kuwatunza wagonjwa, wazee, watoto na kazi nyingine za familia, ambazo hatuzichukulii kama kazi wakati wanaozifanya wanauwezo wa kufanya ajira za malipo.
Ajira ya kisekta.
Ajira katika Sekta ya Umma inazidi kusinyaa kwa nusu ya kiwango chake miaka kumi iliyopita. Mchango wa ajira Serikalini umeshuka kutoka asilimia 3 hadi 2, pia mchango wa ajira katika Mashirika ya Umma umeshuka kutoka asilimia 2 hadi 0.5. Mchango wa ajira ya Sekta ya Kilimo vile vile umedondoka kutoka asilimia 84 hadi 70 kwa kipindi cha miaka 20. Mabadiliko haya yanaonyesha kuwa vianzio vikuu vya ukuaji wa ajira vinaanza kubadilika na kuhamia kwenye Sekta Binafsi (acha kilimo), rasmi na isiyo rasmi. Mchango wa sekta hizi umeongezeka kutoka asilimia 2.8 hadi 6.5 kwa Sekta rasmi na asimia 8.5 hadi 10.8 kwa sekta isiyo rasmi.
Ajira katika Sekta Isiyo Rasmi.
Ajira katika sekta isiyo rasmi imeendelea kukua katika kipindi chote. Matokeo yanaonyesha kuwa kaya mbili katika kila kaya tatu zinajishughulisha na kazi kwenye sekta hii, ikilinganishwa na kaya moja katika kila kaya nne mwaka 1990/91. Idadi ya kaya zinazojishughulisha na kazi kwenye sekta isiyo rasmi imeongezeka kwa maeneo yote, vijijini na mijini, ingawa kasi imekuwa kubwa zaidi kwa maeneo ya mijini. Karibu asilimia 65 ya kaya za mijini na zaidi ya robo ya kaya za vijijini zinajishughulisha katika sekta hii ikilinganishwa na viwango vya asilimia 42 na 21 kwa mtiririko huo, mwaka 1990/91.
Katika uchambuzi huu, nimetumia takwimu za kulinganisha hali tulionayo leo tangu mwaka 1990 wakati tulipoanzisha mfumo wa soko huria. Ni miaka 20 Tanzania imekuwa katika mfumo huu, hali ya kipato na ajira kwa masikini inaongezeka. Tutakutraka kwenye tamasha la Jinsia mambibo na kujadili kwa kina suala hili. Itaendelea wiki ijayo ambapo tutaangalia kiwango cha ukosefu wa ajira kwa Tanzania. Jumapili njema!!
Rais Kikwete, nchi yetu inaporwa upo wapi? (2)
Na Deogratius Temba
Baada ya wiki iliyopita kucheza santuri ya Wizara ya Nishati na Madini juu ya tuhuma ya rushwa iliyosimamiwa na Katibu Mkuu wa Wizara hiyo, David Jairo. Pamoja na kutuhumiwa waziwazi na ushahidi wa wazi kuwa amejihusisha na masuala ya rushwa bado David Jairo ni Katibu Mkuu aliyeko likizo. Yupo likizo anapokea mishahara ambayo ni fedha za walipa kodi. Hii ni nchi ya ajabu, watanzania masikini wanajifunza nini hapa? Je wanaionaje serikali yao isiyozingatia usawa katika sheria?
Je ina maana Jairo anachunguzw ana Taasisi ya Kupambana na Kudhibiti Rushwa (Takukuru) kwa kuhisiwa au amekamatwa na nyaraka ziko wazi? Je anachunguza ili afanywe je?.
Wiki iliyopita vyombo vya habari na Watanzania kwa ujumla walikuwa wakijadili juu ya wizara ya Nishati na hali halisi ya umeme nchini ambao umekuwa kero kubwa. Mgao wa umeme umekuwa mwiba, mjini tunapa umeme kwa shida kijijini hali ni mbaya zaidi. Wiki iliyopita nchi nzima na hata katika safu hii, mjadala ulikuwa ni rushwa ndani ya Wizara ya Nishati na Madini, jinsi ambavyo watendaji wanaendelea kujinufaisha na rasilimnali za taifa hili kwa kujilinda na rushwa na kuwaaacha Watanzania wakiwa hoi. Umeme! umeme! umeme! Ndicho kilio chetu.
Nchi ipo gizani hali ni mbaya uzalishaji umesimama, ajira simesimama, rais wetu yuko Afrika ya Kusini, baadaye amerejea akaeleekea Mtwara, lakini hazungumzii suala hilo kwasababu nchi haipo kwake tena, imeshaporwa wenye nayo ni watu wengine.
Kilichobaki kwasababu serikali imechoka na haihitaji kujiumiza, au kuhangaika na wananchi wake, inaingiza ujanja wa kuibua mambo (sanjuri mpya kila mara). Vikao vya bajeti, mijadala ya bajeti inaendelea Dodoma. Bunge kama chombo cha kutunga sheria, chombo cha kujadili masuala ya wananchi hasa mustakabali wa maisha yao linaendelea. Serikali kutokana na kuwa imeshaporwa rasilimali za nchi hii na kwa sasa haina kitu, imechanganikiwa na sasa inachokifanya ni kuzima masuala ya msingi. Bunge ambalo Watanzania waliamini kuwa ndicho chombo chao sasa limeingiliwa na serikali na linatumika vibaya.
Wakati watu wanalalamika sababu za kumpa Jairo, likozo ya malipo, yaani kuendelea kumlipa kwa kodi zetu wakati alikuwa hana nia nzuri ya kututoa katika giza hili, tena amevunja sheria. Sanjuri ikabadilika ghafla na kuwekwa ya wabunge wakizomeana, wakitukanana, wakivunja kanuni za bunge na mengine. Majadala juu ya suala la Jairo,na Waziri wake, Wiliam Ngeleja, Naibu Waziri Adam Malima kutakiwa kujiuzulu kutokana na kashfa nzito ya wizara yao na pia kushindwa kuondoa kero ya umeme ikazimwa. Huu ndio ujanja pekee uliobaki serikalini.
Serikali iliyoshindwa kusimamia rasilimali za wananchi wake, ambayo imekata tamaa, imeishiwa na maarifa, inaishia kukopi hotuba za bajeti na kupesti tu. Hakluna kufikiri zaidi kitu kipya cha kuleta maendeleo. Kazi ni kutafuta namna ya kutumia rushwa kunyamazisha hoja za msingi. Kazi ni kuwasahaulisha wananchi kujadili masuala ya msingi ayanayowahusu. Serikali kama hii ipo tayariu kuanzisha hata michezo na burudani nhyin gi ili wananchi wake wacheze bure wasahau kuihoji juu ya rasiliamli zake.
Haya nciyo yanayofanyika bungeni. Serikali inatumia mbinu ya kuwavuruga hata wabunge ili wasiwe kitu kimoja katika kujadili masuala ya msingi. Tunajua jinsia ambavyo wabunge waliuangana kuikataa bajeti ya Nishati na Madini, lakini serikali hii haikuridhishwa na kitendo kile. Sasa inatumia mbinu ya “divide and rule”(wagawe uwatawale) wabunge wanagawanywa kimafungu, wanafarakana, wanajengewa chuki ikiwezekana wapigane ili wasambaratike wasipate muda wa kujadili na kuihoji serikali. Sijui kama wabunge wameligundua hili, lakini bila shaka wabunge kama John Cheyo(UDP) na Augustine Mrema(TLP) wanaelewa. Chadema, CUF na NCCR Mageuzi wanapaswa kuwa makini na hili
Leo hii bunge limekuwa kama clabu ya pombe za kienyeji kwasababu hakuna kinachoendelea wala kinachofanyika kwa maslahi ya wananchi. Malumbano yanazidi ili wabunge wapoteze muda kujadili malumbano na kuachana na masuala ya msingi baadaye tutaambaiwa kuwa muda iliisha na taratibu au kanuni hazikuruhusu kuongeza muda wa bunge.
Mfano mzuri ni Jumanne iliyopita, ambapo Waziri wa Kilimo Profesa Jummane Maghembe, alikuwa akiwasilisha hotuba ya bajeti, ilipofikia sehemu ya wabunge kukaa kama kamati, muda wabunge wengi walikuwa wamekamata shilingi kwenye mshahara wa Waziri na wengi walionekana kulalamika na kuikataa bajeti ile. Cha kushangaza, Bunge lilipiga kura ya kukataa kuongeza muda ili kukwepa maswali na hoja zaidi juu ya Bajeti ya Kilimo hii ilikuwa ni aibu kwa Bunge na hatukujua walikuwa wanataka kukimbilia wapi wakati tunawalipa. Nilisikitika sana kuona wabunge wakishangalia kuwa muda wa bunge umeisha ili hali tukujua kuwa taifa hili lina changamoto kubwa hasa kwenye sekta ya kilimo hata dhana ya KILIMO KWANZA waliotuletea haieleweki ina manufaa gani kwa mkulima masikini.
Hali ya bunge sio nzuri kwasababu serikali imefanikiwa kuligawa bunge, wafanyabiahsara, wawekezaji, matajiri nao wamefanikiwa kuwateka wabunge sasa nchi yetu imeuzwa imebaki mikononi mwa wezi tutaweza kuiokoa? Kazi kwetu!! Jumapili njema!! Niachie ujumbe 0715 686575.
Baada ya wiki iliyopita kucheza santuri ya Wizara ya Nishati na Madini juu ya tuhuma ya rushwa iliyosimamiwa na Katibu Mkuu wa Wizara hiyo, David Jairo. Pamoja na kutuhumiwa waziwazi na ushahidi wa wazi kuwa amejihusisha na masuala ya rushwa bado David Jairo ni Katibu Mkuu aliyeko likizo. Yupo likizo anapokea mishahara ambayo ni fedha za walipa kodi. Hii ni nchi ya ajabu, watanzania masikini wanajifunza nini hapa? Je wanaionaje serikali yao isiyozingatia usawa katika sheria?
Je ina maana Jairo anachunguzw ana Taasisi ya Kupambana na Kudhibiti Rushwa (Takukuru) kwa kuhisiwa au amekamatwa na nyaraka ziko wazi? Je anachunguza ili afanywe je?.
Wiki iliyopita vyombo vya habari na Watanzania kwa ujumla walikuwa wakijadili juu ya wizara ya Nishati na hali halisi ya umeme nchini ambao umekuwa kero kubwa. Mgao wa umeme umekuwa mwiba, mjini tunapa umeme kwa shida kijijini hali ni mbaya zaidi. Wiki iliyopita nchi nzima na hata katika safu hii, mjadala ulikuwa ni rushwa ndani ya Wizara ya Nishati na Madini, jinsi ambavyo watendaji wanaendelea kujinufaisha na rasilimnali za taifa hili kwa kujilinda na rushwa na kuwaaacha Watanzania wakiwa hoi. Umeme! umeme! umeme! Ndicho kilio chetu.
Nchi ipo gizani hali ni mbaya uzalishaji umesimama, ajira simesimama, rais wetu yuko Afrika ya Kusini, baadaye amerejea akaeleekea Mtwara, lakini hazungumzii suala hilo kwasababu nchi haipo kwake tena, imeshaporwa wenye nayo ni watu wengine.
Kilichobaki kwasababu serikali imechoka na haihitaji kujiumiza, au kuhangaika na wananchi wake, inaingiza ujanja wa kuibua mambo (sanjuri mpya kila mara). Vikao vya bajeti, mijadala ya bajeti inaendelea Dodoma. Bunge kama chombo cha kutunga sheria, chombo cha kujadili masuala ya wananchi hasa mustakabali wa maisha yao linaendelea. Serikali kutokana na kuwa imeshaporwa rasilimali za nchi hii na kwa sasa haina kitu, imechanganikiwa na sasa inachokifanya ni kuzima masuala ya msingi. Bunge ambalo Watanzania waliamini kuwa ndicho chombo chao sasa limeingiliwa na serikali na linatumika vibaya.
Wakati watu wanalalamika sababu za kumpa Jairo, likozo ya malipo, yaani kuendelea kumlipa kwa kodi zetu wakati alikuwa hana nia nzuri ya kututoa katika giza hili, tena amevunja sheria. Sanjuri ikabadilika ghafla na kuwekwa ya wabunge wakizomeana, wakitukanana, wakivunja kanuni za bunge na mengine. Majadala juu ya suala la Jairo,na Waziri wake, Wiliam Ngeleja, Naibu Waziri Adam Malima kutakiwa kujiuzulu kutokana na kashfa nzito ya wizara yao na pia kushindwa kuondoa kero ya umeme ikazimwa. Huu ndio ujanja pekee uliobaki serikalini.
Serikali iliyoshindwa kusimamia rasilimali za wananchi wake, ambayo imekata tamaa, imeishiwa na maarifa, inaishia kukopi hotuba za bajeti na kupesti tu. Hakluna kufikiri zaidi kitu kipya cha kuleta maendeleo. Kazi ni kutafuta namna ya kutumia rushwa kunyamazisha hoja za msingi. Kazi ni kuwasahaulisha wananchi kujadili masuala ya msingi ayanayowahusu. Serikali kama hii ipo tayariu kuanzisha hata michezo na burudani nhyin gi ili wananchi wake wacheze bure wasahau kuihoji juu ya rasiliamli zake.
Haya nciyo yanayofanyika bungeni. Serikali inatumia mbinu ya kuwavuruga hata wabunge ili wasiwe kitu kimoja katika kujadili masuala ya msingi. Tunajua jinsia ambavyo wabunge waliuangana kuikataa bajeti ya Nishati na Madini, lakini serikali hii haikuridhishwa na kitendo kile. Sasa inatumia mbinu ya “divide and rule”(wagawe uwatawale) wabunge wanagawanywa kimafungu, wanafarakana, wanajengewa chuki ikiwezekana wapigane ili wasambaratike wasipate muda wa kujadili na kuihoji serikali. Sijui kama wabunge wameligundua hili, lakini bila shaka wabunge kama John Cheyo(UDP) na Augustine Mrema(TLP) wanaelewa. Chadema, CUF na NCCR Mageuzi wanapaswa kuwa makini na hili
Leo hii bunge limekuwa kama clabu ya pombe za kienyeji kwasababu hakuna kinachoendelea wala kinachofanyika kwa maslahi ya wananchi. Malumbano yanazidi ili wabunge wapoteze muda kujadili malumbano na kuachana na masuala ya msingi baadaye tutaambaiwa kuwa muda iliisha na taratibu au kanuni hazikuruhusu kuongeza muda wa bunge.
Mfano mzuri ni Jumanne iliyopita, ambapo Waziri wa Kilimo Profesa Jummane Maghembe, alikuwa akiwasilisha hotuba ya bajeti, ilipofikia sehemu ya wabunge kukaa kama kamati, muda wabunge wengi walikuwa wamekamata shilingi kwenye mshahara wa Waziri na wengi walionekana kulalamika na kuikataa bajeti ile. Cha kushangaza, Bunge lilipiga kura ya kukataa kuongeza muda ili kukwepa maswali na hoja zaidi juu ya Bajeti ya Kilimo hii ilikuwa ni aibu kwa Bunge na hatukujua walikuwa wanataka kukimbilia wapi wakati tunawalipa. Nilisikitika sana kuona wabunge wakishangalia kuwa muda wa bunge umeisha ili hali tukujua kuwa taifa hili lina changamoto kubwa hasa kwenye sekta ya kilimo hata dhana ya KILIMO KWANZA waliotuletea haieleweki ina manufaa gani kwa mkulima masikini.
Hali ya bunge sio nzuri kwasababu serikali imefanikiwa kuligawa bunge, wafanyabiahsara, wawekezaji, matajiri nao wamefanikiwa kuwateka wabunge sasa nchi yetu imeuzwa imebaki mikononi mwa wezi tutaweza kuiokoa? Kazi kwetu!! Jumapili njema!! Niachie ujumbe 0715 686575.
Rais Kikwete; tukimaliza siasa za umri zinakuja zipi?
Na Deogratius Temba
Tafakuri ya leo haina lengo la kushambulia rais Jakaya Kikwete, nia ni kutaka kujenga mjadala wakiuchokozi katika jamii kujadili kwa kina juu ya aina ya siasa za Chama cha Mapinduzi(CCM).
Rais Kikwete ni Mwenyekiti wa CCM Taifa, ni kada wa siku nyingi atngu akiwa kijana mdogo, amekulia ndani ya CCm ana amepafanikiwa kufikia kiwango cha juu ya kabisa cha uongozi ndani ya Chama. Anajua namna ya kuendesha siasa na hata namna ya kujenga fitina za kisiasa ili kubomua ngome za mahasimu wake kisiasa.
Bila shaka kwa uelewa wangu, aina ya siasa, kauli, na hata nguvu anayoitumia Mwenyekiti Kikwete, tunazichukulia kuwa zina Baraka za chama na sii za kwake binafsi. Akitukana tutasema CCM imetukana kwasababu yeye ndiye alama(symbol) ya chama popote.
Kwa bahati mbaya, Katiba ya Jamhuri ya Muungano wa Tanzania inatamka suala la usawa wa kijinsia na kukataza ubaguzi wa aina yoyote katika kutoa haki mbalimbali hapa nchini. Katiba inamtaka kila mwananchi kuishi kwa amani na kupata haki zote zikiwemo za kisiasa (Kugombea, kuchaguliwa na kuchagua mgombea unayemtaka).
Rais Kikwete anajua namna alivyofanikiwa kucheza karata ya siasa chafu yeye na wasaidizi wake wa kisiasa wakati wote wa uchaguzi mkuu wa mwaka 2010, na kufanikisha, ijapokuwa mfumo wa siasa zao ulifanikisha uchaguzi CCM ikashinda na kusababisha hasara kubwa ya mpasuko wa udini kwa Taifa hili. Sijengi hoja hii kwa mrengo wa kipinzani lakini ninakiri kuwa siasa za CCM kwa wakati huu ni siasa za kupenda kuhubiri ukabila, udini, na sasa zimeingia kwenye umri.
Hivi karibuni akiwa mkoani Kigoma, Rais alisikika akimweleza Mbunge wa Kigoma Kaskazini kwa Tiketi ya Chama cha Demokrasia na Maendeleo(CHADEMA) Zitto Kabwe kuwa vijana wasikubali kumchangua Rais mwenye umri mkubwa kama wakwake (Rais Kikwete). Anatamka kuwa yeye ni mzee na asingependa rais anayemridhi mwaka 2015 awe mzee kama yeye.
Kuna maswali ya kujiuliza; je haya maneno ni kwanini rais Kikwete(Mwenyekiti wa CCM) anayazungumzia Kigoma?, ni kwanini amweleze Zitto? Je Zitto ana mahusiano gani na CCM? Je ni vijana wapi anawalenga wa CCM au wa CHADEMA? Au vijana wake wa CCM wameshagwanyika sasa amekata tama, anataka kuwaachia madaraka vijana wa Chadema?
Pia tujiulize Je Kauli ya Rais Kikwete imetoka ndani ya Chama au ni ya kwake mwenyewe? Je wanachama na viongozi wenzake wanajua mpango huo wa kurasimisha madaraka ya urais kwa vijana?
Suala hili lina utata ndani yake, kuna mambo mawili yamefichika kwa rais Kikwete, labda kuijenga CCM au kuibomoa au kukijenga au kukibomoa Chadema. Binafsi na hata Watanzania wengi wenye mapenzi mema na Taifa hili, hawana haja na kauli za kichama, ila hatutaki kauli za kutugawa, hatutaki wanasiasa wanaotaka kutugawa au kutupandikiza chuki na kuvuruga amani iliyojengwa na hayati Baba wa taifa Mwalimu Julius Nyerere. Tuanataja viongozi wenye nia njema na taifa hili, wenye uchungu na amani yetu ambao wanataka kutuunganisha na sio kutugawa.
Sote tunajua jinsi ambavyo taifa letu linapita katika kipindi kigumu kabisa cha mpasuko wa Kisiasa, siasa chafu za majitaka. Siasa za kikabila na udini ambazo ni makovu ya uchaguzi Mkuu uliopita. Siasa hizi za ukabila zilipandikizwa na CCM kwa wananchi kuwa Chadema ni chama cha kikabila. CCM ilitumia nguvu kubwa kuhalalisha uongo na uzandiki ambao leo hii tusipokuwa makini baada ya miaka michache utaliumiza taifa hili.
Tutakumbuka kuwa muda mfupi kabla ya kampeni za uchaguzi Mkuu hazijaanza hakukuwa na dalili yoyote ya maneno ya udini lakini baada ya kampeni kuanza na baada ya uchaguzi, kuna chuki za kikabila na udini nchini.
Katika suala la Udiini, CCM ilipandikiza kauli za kuwa kuna wagombea wadini, kuna watu wadini, kuwa inataka kukomesha udini nchini wakati inajua kuwa imetawala kwa miaka karibia 50, na kama kungekuwepo na udini unakuwa ni udhaifu wa serikali yao. CCM na Mwenyekiti wakaanza kampeni kali za kuhubiri kuwa kuna udini nchini. Matokeo ya mahubiri ya Rais Kikwete yameonekana baada ya siku chache,uchaguzi umeisha bado kuna mpasuko mkubwa, chuki na mgawanyiko wa udini nchini.
Leo hii kuna kundi la viongozi wa kidini ambalo lilitumika na CCM kuhubiri udini, lilitumia kusambaza nyaraka mbalimbali kushambalia dini nyingine sasa linadai haki ya ajira serikalini. Kwa hili CCM hawawezi kujitoa ni matunda ya kampeni za mwaka 2011. Kundi hili tayari limeshatumia vyombo vyake vya habari kutangaza vita na serikali iliyoko madarakani kuwa itaipeleka mahakamani kwa kuwa imeajiri waumini wa dini nyingine kuliko ya kwao. Haya ndio matunda ya wanasasiasa kuhubiri udini ni matunda ya serikali ya CCM. Huu ni moto ambao umewashwa na CCM kwa kauli zao sasa wasubiri kuungua. Wanapaswa kuuzima la sivyo wataungua wenyewe.
Ndivyo ilivyo kwa kauli hata hizi za umri nakandalika zina madhara makubwa mbeleni. Kauli kama hizi zitakiua chama au kuvuruga amani ya Taifa hili. Zitaongeza migawanyiko, mifarakano na hatmaye tutaingia katika vita vya kidini au kikabila.
Mwenyekiti wa chama na wenzake wakiamua wanaweza kutugawa kwa maneno yao. Rais Kikwete, ameanza siasa za udini zimefanikiwa kutugawa, ameingiza nyingine za umri ukimaliza ataanza zipi? Tukumbuke kuwa Umoja ni nguvu, tukigawanyika tu kikabila,kidini, kiumri tunawapa adui zetu nafasi ya kututeka au kutushambulia.
Tunajua kuwa rais Kikwete anarusha makombora hayo ya umri kwa mahasimu wake kisiasa kama Edward Lowassa ambaye anatajwa kuwa mgombea urais 2015, ambaye kiumri wanakaribiana, lakini kuna haja ya kuangalia madhara kitaifa kuliko kumtizama mtu mmoja na kuligawa taifa.
Tafakuri ya leo haina lengo la kushambulia rais Jakaya Kikwete, nia ni kutaka kujenga mjadala wakiuchokozi katika jamii kujadili kwa kina juu ya aina ya siasa za Chama cha Mapinduzi(CCM).
Rais Kikwete ni Mwenyekiti wa CCM Taifa, ni kada wa siku nyingi atngu akiwa kijana mdogo, amekulia ndani ya CCm ana amepafanikiwa kufikia kiwango cha juu ya kabisa cha uongozi ndani ya Chama. Anajua namna ya kuendesha siasa na hata namna ya kujenga fitina za kisiasa ili kubomua ngome za mahasimu wake kisiasa.
Bila shaka kwa uelewa wangu, aina ya siasa, kauli, na hata nguvu anayoitumia Mwenyekiti Kikwete, tunazichukulia kuwa zina Baraka za chama na sii za kwake binafsi. Akitukana tutasema CCM imetukana kwasababu yeye ndiye alama(symbol) ya chama popote.
Kwa bahati mbaya, Katiba ya Jamhuri ya Muungano wa Tanzania inatamka suala la usawa wa kijinsia na kukataza ubaguzi wa aina yoyote katika kutoa haki mbalimbali hapa nchini. Katiba inamtaka kila mwananchi kuishi kwa amani na kupata haki zote zikiwemo za kisiasa (Kugombea, kuchaguliwa na kuchagua mgombea unayemtaka).
Rais Kikwete anajua namna alivyofanikiwa kucheza karata ya siasa chafu yeye na wasaidizi wake wa kisiasa wakati wote wa uchaguzi mkuu wa mwaka 2010, na kufanikisha, ijapokuwa mfumo wa siasa zao ulifanikisha uchaguzi CCM ikashinda na kusababisha hasara kubwa ya mpasuko wa udini kwa Taifa hili. Sijengi hoja hii kwa mrengo wa kipinzani lakini ninakiri kuwa siasa za CCM kwa wakati huu ni siasa za kupenda kuhubiri ukabila, udini, na sasa zimeingia kwenye umri.
Hivi karibuni akiwa mkoani Kigoma, Rais alisikika akimweleza Mbunge wa Kigoma Kaskazini kwa Tiketi ya Chama cha Demokrasia na Maendeleo(CHADEMA) Zitto Kabwe kuwa vijana wasikubali kumchangua Rais mwenye umri mkubwa kama wakwake (Rais Kikwete). Anatamka kuwa yeye ni mzee na asingependa rais anayemridhi mwaka 2015 awe mzee kama yeye.
Kuna maswali ya kujiuliza; je haya maneno ni kwanini rais Kikwete(Mwenyekiti wa CCM) anayazungumzia Kigoma?, ni kwanini amweleze Zitto? Je Zitto ana mahusiano gani na CCM? Je ni vijana wapi anawalenga wa CCM au wa CHADEMA? Au vijana wake wa CCM wameshagwanyika sasa amekata tama, anataka kuwaachia madaraka vijana wa Chadema?
Pia tujiulize Je Kauli ya Rais Kikwete imetoka ndani ya Chama au ni ya kwake mwenyewe? Je wanachama na viongozi wenzake wanajua mpango huo wa kurasimisha madaraka ya urais kwa vijana?
Suala hili lina utata ndani yake, kuna mambo mawili yamefichika kwa rais Kikwete, labda kuijenga CCM au kuibomoa au kukijenga au kukibomoa Chadema. Binafsi na hata Watanzania wengi wenye mapenzi mema na Taifa hili, hawana haja na kauli za kichama, ila hatutaki kauli za kutugawa, hatutaki wanasiasa wanaotaka kutugawa au kutupandikiza chuki na kuvuruga amani iliyojengwa na hayati Baba wa taifa Mwalimu Julius Nyerere. Tuanataja viongozi wenye nia njema na taifa hili, wenye uchungu na amani yetu ambao wanataka kutuunganisha na sio kutugawa.
Sote tunajua jinsi ambavyo taifa letu linapita katika kipindi kigumu kabisa cha mpasuko wa Kisiasa, siasa chafu za majitaka. Siasa za kikabila na udini ambazo ni makovu ya uchaguzi Mkuu uliopita. Siasa hizi za ukabila zilipandikizwa na CCM kwa wananchi kuwa Chadema ni chama cha kikabila. CCM ilitumia nguvu kubwa kuhalalisha uongo na uzandiki ambao leo hii tusipokuwa makini baada ya miaka michache utaliumiza taifa hili.
Tutakumbuka kuwa muda mfupi kabla ya kampeni za uchaguzi Mkuu hazijaanza hakukuwa na dalili yoyote ya maneno ya udini lakini baada ya kampeni kuanza na baada ya uchaguzi, kuna chuki za kikabila na udini nchini.
Katika suala la Udiini, CCM ilipandikiza kauli za kuwa kuna wagombea wadini, kuna watu wadini, kuwa inataka kukomesha udini nchini wakati inajua kuwa imetawala kwa miaka karibia 50, na kama kungekuwepo na udini unakuwa ni udhaifu wa serikali yao. CCM na Mwenyekiti wakaanza kampeni kali za kuhubiri kuwa kuna udini nchini. Matokeo ya mahubiri ya Rais Kikwete yameonekana baada ya siku chache,uchaguzi umeisha bado kuna mpasuko mkubwa, chuki na mgawanyiko wa udini nchini.
Leo hii kuna kundi la viongozi wa kidini ambalo lilitumika na CCM kuhubiri udini, lilitumia kusambaza nyaraka mbalimbali kushambalia dini nyingine sasa linadai haki ya ajira serikalini. Kwa hili CCM hawawezi kujitoa ni matunda ya kampeni za mwaka 2011. Kundi hili tayari limeshatumia vyombo vyake vya habari kutangaza vita na serikali iliyoko madarakani kuwa itaipeleka mahakamani kwa kuwa imeajiri waumini wa dini nyingine kuliko ya kwao. Haya ndio matunda ya wanasasiasa kuhubiri udini ni matunda ya serikali ya CCM. Huu ni moto ambao umewashwa na CCM kwa kauli zao sasa wasubiri kuungua. Wanapaswa kuuzima la sivyo wataungua wenyewe.
Ndivyo ilivyo kwa kauli hata hizi za umri nakandalika zina madhara makubwa mbeleni. Kauli kama hizi zitakiua chama au kuvuruga amani ya Taifa hili. Zitaongeza migawanyiko, mifarakano na hatmaye tutaingia katika vita vya kidini au kikabila.
Mwenyekiti wa chama na wenzake wakiamua wanaweza kutugawa kwa maneno yao. Rais Kikwete, ameanza siasa za udini zimefanikiwa kutugawa, ameingiza nyingine za umri ukimaliza ataanza zipi? Tukumbuke kuwa Umoja ni nguvu, tukigawanyika tu kikabila,kidini, kiumri tunawapa adui zetu nafasi ya kututeka au kutushambulia.
Tunajua kuwa rais Kikwete anarusha makombora hayo ya umri kwa mahasimu wake kisiasa kama Edward Lowassa ambaye anatajwa kuwa mgombea urais 2015, ambaye kiumri wanakaribiana, lakini kuna haja ya kuangalia madhara kitaifa kuliko kumtizama mtu mmoja na kuligawa taifa.
Rais Kikwete, watajie Polisi wauza dawa za kulevya
Na Deogratius Temba
KATIKA moja ya kesi ngumu za jinai zinazohitaji upelelezi na ushahidi wa uhakika na udhibiti ni dawa za kulevya. Dawa za kulevya sinatakiwa zidhibitiwe siziingie wala kutoka. Na udhibiti wake ni kwa njia za nchi kavu, angani, na majini.
Ukiwauliza Polisi wanakuambia kuwa wanajitahidi kulinda mipaka na njia zote husika kuhakikisha dawa haziingii wala kutoka. Tangu alipoingia madarakani Rais Kikwete mwaka 2005, amekuwa akitamka waziwazi kuwa tatizo la dawa za kulevya ni nzito na linawasumbua hata yeye na wenzake.
Lakini cha kushangaza kwa kipindi kifupi rais amekuwa akitangaza kuwa anayo majina ya wauza unga (madawa ya kulenya) lakini hawataji. Wakati huo huo tunajua wazi wazi kuwa kumjua na mtuhumiwa wa kosa la jinai ukakaa kimya ni kosa la jinai au kumficha mtuhumiwa asikamatwe wakati anatafutwa ni kosa. Kwa hiyo hapa rais wetu yupo juu ya sheria? Kwanini asiwakamate? Kwanini asiwaelekeze polisi wawakamate wauza unga, kwa lugha hizo ina maana anajua wanavyo safari na kurudi wakiwa na mzigo(madawa) lakini hawakamatwi.
Cha kushtua zaidi rais wiki iliyopita ametamka tena mbele ya viongozi wa dini kuwa anawafahamu viongozi wa dini wanaouza unga, hakuwataja wala kusema ni kiongozi yupi au wa dini gani. Rais Kikwete analalamika badala ya kuchukuwa hatua? Tujiulize tatizo la rais wetu ni nini? Biashara ya madawa ya kulevya ni kosa, na sii kwamba sheria zipo? Sasa analalamika na Nani anatakiwa kulishughulikia hili. Rais anatamka mambo ya dawa za kulevya hadharani bila kuwa muwazi wakati huu ambapo kuna wasiwasi mkubwa wa wanasiasa wengi wakilalamika kuwa wanaandamwa na baadhi ya kundi la watu linalojulikana kama mtandao wa mafisadi ili wawekee dawa za kulvya. Wanaolalamika kutaka kuwekewa dawa ni makada wa CCM, ambao wanadai kuwa makada wenzao wanataka kuwabambikizia mzigo huo. Tayari baadhi ya wanasiasa kama Mbunge wa Kinondoni Idd Hassan, amesharipoti kutaka kuwekewa dawa za kulevya, hakuna hatua za haraka zilizochukuliwa na wahusika hata Jeshi la polisi kufuatilia. Wamepuuza huku Mkuu wa nchi akisema kuwa anawafahamu wauza unga.
Mwaka jana, Mwenyekiti wa Makampuni ya IPP Reginald Mengi alitoa taarifa ya wazi kuwa kundi la wanaCCM wenzake aliloliita matajiri kwa kushirikiana na vigogo wa Jeshi la Polisi walitaka kumwekea Mtoto wake dawa za kulevya. Serikali, Ikulu, Tume ya kudhibiti dawa za Kulevya, Ofisi ya Waziri Mkuu, Usalama wa Taifa, walisikia hawakuchukua hatua hadi leo.
Mengi alihitimisha taarifa yake kwa kusema yupo tayari kulisaidia jeshi la polisi au kuhojiwa lakini hakuhojiwa na hadi leo, vigogo watuhumiwa wanaendelea na kazi zao, hawakumshitaki Mengi kwa kuwakashfu na kuwachafulia majina, wala serikali inayojidai kupambana na dawa hizo haramu haikuchukua hatua. Je hii sii kusema kuwa tunaongozwa na serikali yenye makosa? Isiyo heshimu hata sheria zake yenyewe?
Rais wa nchi, hana uhakika na maelezo yake, jeshi la polisi halina uwezo wa kumhohi wala kumuuliza kwasababu anawateua wakuu wa Jeshi hilo, Takukuru, usalama wa taifa, na vyombo vingine vinamwogopa, kwasababu yeye ndiye bosi wao ndio maana tunataka mabadiliko ya katiba haraka ili tumpunguzie Rais madaraka.
Kama sii katiba yenye mapungufu tuliyonayto leo, rais angeweza kuhojiwa na chombo cha usalama na kueleza majina ya waunza unga, au viongozi wa dini wanaousa unga kwa sababu amesema anawafahamu. Ninamshauri rais Kikwete awe makini na maelezo yake ambayo yanaleta utata!!!!!!
Tutaendelea wiki ijayo…deojkt@yahoo.com, 0715686575
KATIKA moja ya kesi ngumu za jinai zinazohitaji upelelezi na ushahidi wa uhakika na udhibiti ni dawa za kulevya. Dawa za kulevya sinatakiwa zidhibitiwe siziingie wala kutoka. Na udhibiti wake ni kwa njia za nchi kavu, angani, na majini.
Ukiwauliza Polisi wanakuambia kuwa wanajitahidi kulinda mipaka na njia zote husika kuhakikisha dawa haziingii wala kutoka. Tangu alipoingia madarakani Rais Kikwete mwaka 2005, amekuwa akitamka waziwazi kuwa tatizo la dawa za kulevya ni nzito na linawasumbua hata yeye na wenzake.
Lakini cha kushangaza kwa kipindi kifupi rais amekuwa akitangaza kuwa anayo majina ya wauza unga (madawa ya kulenya) lakini hawataji. Wakati huo huo tunajua wazi wazi kuwa kumjua na mtuhumiwa wa kosa la jinai ukakaa kimya ni kosa la jinai au kumficha mtuhumiwa asikamatwe wakati anatafutwa ni kosa. Kwa hiyo hapa rais wetu yupo juu ya sheria? Kwanini asiwakamate? Kwanini asiwaelekeze polisi wawakamate wauza unga, kwa lugha hizo ina maana anajua wanavyo safari na kurudi wakiwa na mzigo(madawa) lakini hawakamatwi.
Cha kushtua zaidi rais wiki iliyopita ametamka tena mbele ya viongozi wa dini kuwa anawafahamu viongozi wa dini wanaouza unga, hakuwataja wala kusema ni kiongozi yupi au wa dini gani. Rais Kikwete analalamika badala ya kuchukuwa hatua? Tujiulize tatizo la rais wetu ni nini? Biashara ya madawa ya kulevya ni kosa, na sii kwamba sheria zipo? Sasa analalamika na Nani anatakiwa kulishughulikia hili. Rais anatamka mambo ya dawa za kulevya hadharani bila kuwa muwazi wakati huu ambapo kuna wasiwasi mkubwa wa wanasiasa wengi wakilalamika kuwa wanaandamwa na baadhi ya kundi la watu linalojulikana kama mtandao wa mafisadi ili wawekee dawa za kulvya. Wanaolalamika kutaka kuwekewa dawa ni makada wa CCM, ambao wanadai kuwa makada wenzao wanataka kuwabambikizia mzigo huo. Tayari baadhi ya wanasiasa kama Mbunge wa Kinondoni Idd Hassan, amesharipoti kutaka kuwekewa dawa za kulevya, hakuna hatua za haraka zilizochukuliwa na wahusika hata Jeshi la polisi kufuatilia. Wamepuuza huku Mkuu wa nchi akisema kuwa anawafahamu wauza unga.
Mwaka jana, Mwenyekiti wa Makampuni ya IPP Reginald Mengi alitoa taarifa ya wazi kuwa kundi la wanaCCM wenzake aliloliita matajiri kwa kushirikiana na vigogo wa Jeshi la Polisi walitaka kumwekea Mtoto wake dawa za kulevya. Serikali, Ikulu, Tume ya kudhibiti dawa za Kulevya, Ofisi ya Waziri Mkuu, Usalama wa Taifa, walisikia hawakuchukua hatua hadi leo.
Mengi alihitimisha taarifa yake kwa kusema yupo tayari kulisaidia jeshi la polisi au kuhojiwa lakini hakuhojiwa na hadi leo, vigogo watuhumiwa wanaendelea na kazi zao, hawakumshitaki Mengi kwa kuwakashfu na kuwachafulia majina, wala serikali inayojidai kupambana na dawa hizo haramu haikuchukua hatua. Je hii sii kusema kuwa tunaongozwa na serikali yenye makosa? Isiyo heshimu hata sheria zake yenyewe?
Rais wa nchi, hana uhakika na maelezo yake, jeshi la polisi halina uwezo wa kumhohi wala kumuuliza kwasababu anawateua wakuu wa Jeshi hilo, Takukuru, usalama wa taifa, na vyombo vingine vinamwogopa, kwasababu yeye ndiye bosi wao ndio maana tunataka mabadiliko ya katiba haraka ili tumpunguzie Rais madaraka.
Kama sii katiba yenye mapungufu tuliyonayto leo, rais angeweza kuhojiwa na chombo cha usalama na kueleza majina ya waunza unga, au viongozi wa dini wanaousa unga kwa sababu amesema anawafahamu. Ninamshauri rais Kikwete awe makini na maelezo yake ambayo yanaleta utata!!!!!!
Tutaendelea wiki ijayo…deojkt@yahoo.com, 0715686575
Co-trimoxazole na ARVs kupunguza vifo
KAMPALA Uganda
Dawa za kupunguza makali ya virusi vya ugonjwa wa Ukimwi ARVs, zikitumika sambasamba na dawa mseto aina ya (co-Trimoxazole), zinaweza kupunguza vifo vinavyotokana na ugonjwa huo kwa asilimia 50.
Co-trimoxazole ni mchanganyiko wa aina mbili za dawa ambazo ni trimethoprim na sulfamethoxazole, imekuwa ikitibu magonjwa mengi kama vile kifua, kuua bacteria wanausababisha magonjwa kama alimonia, bakteria wa mkojo, masikio na kutibu magonjwa ya kuhara.
Utafiti uliofanywa na Jarida la Kisayansi la The Lancent umebainisha kuwa dawa hizo ambazo mgonjwa hupewa mara baada ya kuonekana ameathirika na kinga za mwili (CD4) kupungua zinaweza kuokoa maisha ya mgonjwa au kupunguza vifo hivyo.
"Tumefanya utafiti kwa kumtumia mgonjwa ambaye alikuwa akianza kupata matibabu ya VVU kwa mara ya kwanza, akatumia Co- Trimoxazole, ameonyesha kuwa na uwezo wa kuishi muda mrefu na vifo vinavyotokea kwa watu kama hao ni vichache wakati kwa wale wanaotumia dawa za ARVs pekee wanauwezekano wa kupoteza maisha yao mapema zaidi,” alisema Profesa Diana Gibb, kutoka Baraza la Utafiti wa Madawa la Uingereza (MRC), alipozungumza na Shirika la IRIN.
"Tunajua kuwa ARVs pekee yake inapunguza vifo kwa asilimia hata 90, ila kuwa kutumia dawa hiyo inapunguza zaidi
Utafiti wa kuangalia tu umeonesha kuwa washiriki wa kutoka 3,179, Uganda na Zibambwe waliotoka katika Shirika la Kushughulikia Maendeleo ya afya na Matibabu la Afrika (DART), uliendeshwa na MRC nchini Uganda na Zimbabwe kwa kilipindi cha miaka mitano. Washiriki wote walikuwa na CD4 chini ya 200, wakati utafiti ulipoanza.
Shirika la Afya la Umoja wa mataifa (WHO), limependekeza matumizi ya dawa za Co-trimoxazole, kwa waadhirika wa Ukimwi wenye chini ya CD4 350, hasa wale walio katika maeneo yanayopata malaria kwa urahisi.
Licha ya miongozo hiyo utafiti huu wa DART, matumizi ya dawa kali haufanani kwa nchi za Uganda na Zimbabwe.
"Co-trimoxazole hizi ni dawa za bei rahisi ni za kawada na zimetengenezwa katika nchi za afrika kwahiyo ni rahisi kuzipata na zimekuwa zikitumika kwa kiasi kikubwa kwa kutibu magonjwa kama Almonia
“Mbali na idadi hiyo ndogo ya wagonjwa waliofanyia utafiti umeonyesha mafanikio makubwa”, anasema Gibb, na kuongeza kuwa matumizi ya dawa kali(Ant-biotics) umepunguza pia kasi ya ugonjwa wa malaria ambao ni ugonjwa wa kikanda.
Utafiti umependekeza kuwa co-trimoxazole, zitumike angalau kwa wiki 72 kwa watu wazima wanaoanza kutumia ARVs Afrika.
Mwisho
Dawa za kupunguza makali ya virusi vya ugonjwa wa Ukimwi ARVs, zikitumika sambasamba na dawa mseto aina ya (co-Trimoxazole), zinaweza kupunguza vifo vinavyotokana na ugonjwa huo kwa asilimia 50.
Co-trimoxazole ni mchanganyiko wa aina mbili za dawa ambazo ni trimethoprim na sulfamethoxazole, imekuwa ikitibu magonjwa mengi kama vile kifua, kuua bacteria wanausababisha magonjwa kama alimonia, bakteria wa mkojo, masikio na kutibu magonjwa ya kuhara.
Utafiti uliofanywa na Jarida la Kisayansi la The Lancent umebainisha kuwa dawa hizo ambazo mgonjwa hupewa mara baada ya kuonekana ameathirika na kinga za mwili (CD4) kupungua zinaweza kuokoa maisha ya mgonjwa au kupunguza vifo hivyo.
"Tumefanya utafiti kwa kumtumia mgonjwa ambaye alikuwa akianza kupata matibabu ya VVU kwa mara ya kwanza, akatumia Co- Trimoxazole, ameonyesha kuwa na uwezo wa kuishi muda mrefu na vifo vinavyotokea kwa watu kama hao ni vichache wakati kwa wale wanaotumia dawa za ARVs pekee wanauwezekano wa kupoteza maisha yao mapema zaidi,” alisema Profesa Diana Gibb, kutoka Baraza la Utafiti wa Madawa la Uingereza (MRC), alipozungumza na Shirika la IRIN.
"Tunajua kuwa ARVs pekee yake inapunguza vifo kwa asilimia hata 90, ila kuwa kutumia dawa hiyo inapunguza zaidi
Utafiti wa kuangalia tu umeonesha kuwa washiriki wa kutoka 3,179, Uganda na Zibambwe waliotoka katika Shirika la Kushughulikia Maendeleo ya afya na Matibabu la Afrika (DART), uliendeshwa na MRC nchini Uganda na Zimbabwe kwa kilipindi cha miaka mitano. Washiriki wote walikuwa na CD4 chini ya 200, wakati utafiti ulipoanza.
Shirika la Afya la Umoja wa mataifa (WHO), limependekeza matumizi ya dawa za Co-trimoxazole, kwa waadhirika wa Ukimwi wenye chini ya CD4 350, hasa wale walio katika maeneo yanayopata malaria kwa urahisi.
Licha ya miongozo hiyo utafiti huu wa DART, matumizi ya dawa kali haufanani kwa nchi za Uganda na Zimbabwe.
"Co-trimoxazole hizi ni dawa za bei rahisi ni za kawada na zimetengenezwa katika nchi za afrika kwahiyo ni rahisi kuzipata na zimekuwa zikitumika kwa kiasi kikubwa kwa kutibu magonjwa kama Almonia
“Mbali na idadi hiyo ndogo ya wagonjwa waliofanyia utafiti umeonyesha mafanikio makubwa”, anasema Gibb, na kuongeza kuwa matumizi ya dawa kali(Ant-biotics) umepunguza pia kasi ya ugonjwa wa malaria ambao ni ugonjwa wa kikanda.
Utafiti umependekeza kuwa co-trimoxazole, zitumike angalau kwa wiki 72 kwa watu wazima wanaoanza kutumia ARVs Afrika.
Mwisho
KUELEKEA UCHAGUZI MKUU
Ni Vita ya wazee na vijana
*Wenye umri mkubwa watakiwa kupumzika siasa
*Wazee wagoma, wasema ‘uzee ni hazina’
*Vijana wakerwa kuitwa ‘Vuvuzela’
Na Sauli Giliard
WAKATI ushindani wa kisiasa ukiaminiwa kuwa ni vita ya mtu na mtu au vyama na vyama, hali imebadilika na kuhamia katika umri wa kati ya vijana na wazee.
Wazee wanaopigwa vita na vijana sasa ni wale walioko Bungeni kwa muda mrefu na hawataki kung’atuka ili kupisha mawazo mapya ya vijana kupenyeza katika chombo hicho cha kutunga sheria.
Wabunge walioko majimboni, wengi wao wakionekana wakiwa na umri wa makamo wanawaona vijana wanaotangaza nia ya kuwang’oa majimboni sasa ni wapiga kelele mithili ya tarumbeta zinazotumika katika michuano ya kombe la dunia maarufu kama ‘vuvuzela’.
Akizungumza na Tafakari wiki hii, Katibu Mkuu wa Mtandao wa Dira ya Vijana nchini (TYVA), Deogratius Siale anasema, baada ya kuonekana vijana wanashindwa kuingia katika vyombo vya kufanya na kutekeleza maamuzi, sasa wamekuja na mkakati mpya wa kuhakikisha vyama vinawakubali na kuwasimamisha katika uchaguzi ujao.
Siale ameeleza TYVA itahakikisha inawaunga mkono wale wote waliotangaza nia na kuonekana wanaweza kuongoza kwa manufaa ya kupigania sera zote za kuwainua vijana na wananchi wote kwa ujumla wake.
“Tumeshabainisha kuwasaidia vijana katika kugombea nafasi za udiwani na ubunge. Kwa sasa hatuna mtandao mkubwa sana, tunafanya kazi ndani ya mikoa sita, lakini adhma yetu ni kuhakikisha tunawapa nguvu na hata walioko mbali na mikoa tulipo kwa sasa wapate wasijione wametengwa,” anasema.
Anasema, kitendo cha wanaotangaza nia kufananishwa na ‘mavuvuzela’ ni changamoto na kero kubwa kwao na inadhihirisha ni namna gani walioko kwenye nyadhifa wasivyopenda mabadiliko.
Anabainisha kwa sasa jumuiya hiyo ya vijana inajiandaa kutoa vipaumbele vyao vya uchaguzi Mkuu wa mwaka huu baada ya kuketi katika kikao kitakachokaa Julai 15 na kuzambaza kwa vyama vya siasa.
Katika kile kinachoonekana nafasi za ubunge ni zaidi ya upinzani wa mtu na mtu ama vyama kwa vyama na badala yake ni umri nao unahusika ni hatua iliyofikiwa na baadhi ya watangaza nia kubainisha wanaong’ang’ania ubunge angali wakiwa na miaka 60 na zaidi hawawezi kuwasaidia wananchi.
“Wanaowania uongozi wakiwa na miaka zaidi ya 60 ni vigumu mno kuwaletea wananchi maendeleo. Wanapaswa kutulia nyumbani na kuandika vitabu na kuishauri serikali,” anasema Festo Kaswaga aliyetangaza kugombea jimbo la Ismani, linaloongozwa na Mkuu wa Mkoa wa Dar es Salaam, Wiliam Lukuvi.
Zikiwa zimebaki miezi mitatu kufanyika kw auchaguzi Mkuu hapo Oktoba mwaka huu, tayari kundi kubwa la vijana limeshajitokeza kutangza nia ya kugombea Ubunge huku, wazee wakiendelea kuwabeza.
Vijana wengi wameonekana kusukumwa pia na kauli za Mwenyekiti wa CCM, Rais Jakaya Kikwete, kuwa ni wakati w akuwawezesha vijana na amedhamiria kuwaingiza katika serikali yake.
Aidha vijana wamesukumwa na kauli mbiu ya Umoja wa Vijana (UVCCM) ya mwkaa huu inayosema “
Hadi sasa Mbunge mkongwe ambaye amejitokeza na kujitetea ni Mbunge wa Jimbo la Mtera, John Samweli Malecela ambaye amepinga waziwazi kutoona tatizo la wazee katika uongozi na kusema kama wakongwe wana uwezo wa kuishauri serikali “basi wana uwezo wa kuongoza.”
Wakwanza kuibua mjadala wa ukomo wa ubunge alikuwa waziri Mkuu Mizengo Pinda mbaye alishauri kiwe ni kipindi kisichozidi miaka 15, kauli iliyosdababishwa kupingw ana wabunge wenzake.
Mbunge wa Same Mashariki, Anna Kilango -Malecela, amepinga pendekezo la Waziri Mkuu kwamba muda wa kuwa Mbunge usizidi miaka 15.
Mbunge wa Kwela, Chrisant Mzindakaya (CCM) na Mbunge wa Sumbawanga Mjini, Paul Kimiti (CCM) ni miongoni mwa wabunge waliokaa muda mrefu bungeni ambao hivi karibuni walitamka uamuzi wa kung’atuka.
Mbunge wa Mtera, John Malecela na Mbunge wa Njombe Kaskazini, Jackson Makweta (wote wa CCM) pia ni wakongwe ambao hawajaeleza nia ya kuachia nafasi hizo katika uchaguzi mkuu wa mwaka huu.
Wakichangia maoni juu Ya hoja hizo, Mbunge wa Karagwe, Gosbert Blandes amesema sema wananchi pekee ndiyo wanaofahamu muda na umri anaostahili mbunge wao kuwatumikia.
Alitoa mfano wa Mbunge wa Njombe Kusini, Anne Makinda, Mzindakaya, Malecela na Kimiti kuwa ni miongoni mwa watu wenye michango endelevu inayotokana na uzoefu wao bungeni.
Mbunge wa Tabora, Siraju Kaboyonga pia alipingana na mapendekezo ya kuweka ukomo na umri kwa wabunge kwa malengo ya kumfanya Mbunge asikae muda mrefu na kusema ni chanzo cha kuyapotezea majimbo maendeleo.
Akitolea mfano wa majimbo ya mkoani Tabora aliyodai yamekuwa yakibadilisha wabunge kila kipindi cha uchaguzi isipokuwa Tabora Mjini, Kaboyonga amesema majimbo yasiyobadilisha mara kwa mara wabunge yana maendeleo tofauti na yanayobadilisha.
Mbunge wa Muhambwe, Felix Kijiko (CCM) alikubaliana na Waziri Pinda kwa kusema wabunge wanaokaa muda mrefu wamebaki kufanya kazi kwa mazoea. Mwisho
*Wenye umri mkubwa watakiwa kupumzika siasa
*Wazee wagoma, wasema ‘uzee ni hazina’
*Vijana wakerwa kuitwa ‘Vuvuzela’
Na Sauli Giliard
WAKATI ushindani wa kisiasa ukiaminiwa kuwa ni vita ya mtu na mtu au vyama na vyama, hali imebadilika na kuhamia katika umri wa kati ya vijana na wazee.
Wazee wanaopigwa vita na vijana sasa ni wale walioko Bungeni kwa muda mrefu na hawataki kung’atuka ili kupisha mawazo mapya ya vijana kupenyeza katika chombo hicho cha kutunga sheria.
Wabunge walioko majimboni, wengi wao wakionekana wakiwa na umri wa makamo wanawaona vijana wanaotangaza nia ya kuwang’oa majimboni sasa ni wapiga kelele mithili ya tarumbeta zinazotumika katika michuano ya kombe la dunia maarufu kama ‘vuvuzela’.
Akizungumza na Tafakari wiki hii, Katibu Mkuu wa Mtandao wa Dira ya Vijana nchini (TYVA), Deogratius Siale anasema, baada ya kuonekana vijana wanashindwa kuingia katika vyombo vya kufanya na kutekeleza maamuzi, sasa wamekuja na mkakati mpya wa kuhakikisha vyama vinawakubali na kuwasimamisha katika uchaguzi ujao.
Siale ameeleza TYVA itahakikisha inawaunga mkono wale wote waliotangaza nia na kuonekana wanaweza kuongoza kwa manufaa ya kupigania sera zote za kuwainua vijana na wananchi wote kwa ujumla wake.
“Tumeshabainisha kuwasaidia vijana katika kugombea nafasi za udiwani na ubunge. Kwa sasa hatuna mtandao mkubwa sana, tunafanya kazi ndani ya mikoa sita, lakini adhma yetu ni kuhakikisha tunawapa nguvu na hata walioko mbali na mikoa tulipo kwa sasa wapate wasijione wametengwa,” anasema.
Anasema, kitendo cha wanaotangaza nia kufananishwa na ‘mavuvuzela’ ni changamoto na kero kubwa kwao na inadhihirisha ni namna gani walioko kwenye nyadhifa wasivyopenda mabadiliko.
Anabainisha kwa sasa jumuiya hiyo ya vijana inajiandaa kutoa vipaumbele vyao vya uchaguzi Mkuu wa mwaka huu baada ya kuketi katika kikao kitakachokaa Julai 15 na kuzambaza kwa vyama vya siasa.
Katika kile kinachoonekana nafasi za ubunge ni zaidi ya upinzani wa mtu na mtu ama vyama kwa vyama na badala yake ni umri nao unahusika ni hatua iliyofikiwa na baadhi ya watangaza nia kubainisha wanaong’ang’ania ubunge angali wakiwa na miaka 60 na zaidi hawawezi kuwasaidia wananchi.
“Wanaowania uongozi wakiwa na miaka zaidi ya 60 ni vigumu mno kuwaletea wananchi maendeleo. Wanapaswa kutulia nyumbani na kuandika vitabu na kuishauri serikali,” anasema Festo Kaswaga aliyetangaza kugombea jimbo la Ismani, linaloongozwa na Mkuu wa Mkoa wa Dar es Salaam, Wiliam Lukuvi.
Zikiwa zimebaki miezi mitatu kufanyika kw auchaguzi Mkuu hapo Oktoba mwaka huu, tayari kundi kubwa la vijana limeshajitokeza kutangza nia ya kugombea Ubunge huku, wazee wakiendelea kuwabeza.
Vijana wengi wameonekana kusukumwa pia na kauli za Mwenyekiti wa CCM, Rais Jakaya Kikwete, kuwa ni wakati w akuwawezesha vijana na amedhamiria kuwaingiza katika serikali yake.
Aidha vijana wamesukumwa na kauli mbiu ya Umoja wa Vijana (UVCCM) ya mwkaa huu inayosema “
Hadi sasa Mbunge mkongwe ambaye amejitokeza na kujitetea ni Mbunge wa Jimbo la Mtera, John Samweli Malecela ambaye amepinga waziwazi kutoona tatizo la wazee katika uongozi na kusema kama wakongwe wana uwezo wa kuishauri serikali “basi wana uwezo wa kuongoza.”
Wakwanza kuibua mjadala wa ukomo wa ubunge alikuwa waziri Mkuu Mizengo Pinda mbaye alishauri kiwe ni kipindi kisichozidi miaka 15, kauli iliyosdababishwa kupingw ana wabunge wenzake.
Mbunge wa Same Mashariki, Anna Kilango -Malecela, amepinga pendekezo la Waziri Mkuu kwamba muda wa kuwa Mbunge usizidi miaka 15.
Mbunge wa Kwela, Chrisant Mzindakaya (CCM) na Mbunge wa Sumbawanga Mjini, Paul Kimiti (CCM) ni miongoni mwa wabunge waliokaa muda mrefu bungeni ambao hivi karibuni walitamka uamuzi wa kung’atuka.
Mbunge wa Mtera, John Malecela na Mbunge wa Njombe Kaskazini, Jackson Makweta (wote wa CCM) pia ni wakongwe ambao hawajaeleza nia ya kuachia nafasi hizo katika uchaguzi mkuu wa mwaka huu.
Wakichangia maoni juu Ya hoja hizo, Mbunge wa Karagwe, Gosbert Blandes amesema sema wananchi pekee ndiyo wanaofahamu muda na umri anaostahili mbunge wao kuwatumikia.
Alitoa mfano wa Mbunge wa Njombe Kusini, Anne Makinda, Mzindakaya, Malecela na Kimiti kuwa ni miongoni mwa watu wenye michango endelevu inayotokana na uzoefu wao bungeni.
Mbunge wa Tabora, Siraju Kaboyonga pia alipingana na mapendekezo ya kuweka ukomo na umri kwa wabunge kwa malengo ya kumfanya Mbunge asikae muda mrefu na kusema ni chanzo cha kuyapotezea majimbo maendeleo.
Akitolea mfano wa majimbo ya mkoani Tabora aliyodai yamekuwa yakibadilisha wabunge kila kipindi cha uchaguzi isipokuwa Tabora Mjini, Kaboyonga amesema majimbo yasiyobadilisha mara kwa mara wabunge yana maendeleo tofauti na yanayobadilisha.
Mbunge wa Muhambwe, Felix Kijiko (CCM) alikubaliana na Waziri Pinda kwa kusema wabunge wanaokaa muda mrefu wamebaki kufanya kazi kwa mazoea. Mwisho
Subscribe to:
Posts (Atom)